تعتبر طلمبة الديزل من أهم مكوّنات منظومة الاحتراق في أي محرك ديزل، وأي خلل فيها ينعكس مباشرة على قدرة المحرك، استهلاك الوقود، والعمر الافتراضي للموتور بالكامل. معرفة العلامات المبكرة لمشاكل الطلمبة يساعدك تتجنب أعطال مكلفة وقد تؤدي لتلف المحرك.

1-      صعوبة تشغيل المحرك خصوصًا وهو بارد

لو الماتور بيلف لكن مش بيدور بسهولة، أو بياخد وقت أطول من الطبيعي، ده غالبًا بسبب ضعف ضغط الطلمبة أو عدم وصول الديزل بالكمية الصحيحة.

2-     دخنة سوداء من الشكمان

الدخنة السوداء معناها إن الديزل مش بيحترق بالكامل.

وده بيكون نتيجة زيادة رش الديزل أو عدم ضبط التوقيت داخل الطلمبة.

3-      رعشة أو تقطيع أثناء التسارع

لو العربية أو المولد بيعمل تقطيع، هنتنج، أو رعشة غير طبيعية أثناء التشغيل، فده دليل على أن الطلمبة مش بتضخ وقود بشكل منتظم أو أن الكباسات الداخلية فيها تأكل.

4-      ضعف واضح في قوة المحرك

ضعف السحب أو الأحمال اللي كانت بتتشال بسهولة وبقت تقيلة فجأة يدل على ضعف في ضغط الطلمبة أو مشكلة في منظم الضغط الداخلي.

5-      صوت تكتكة أو طرق داخل الطلمبة

أي صوت معدني أو "خبطة" طالعة من الطلمبة يعني وجود تأكل في التروس أو خلخلة في أجزاء الضبط الداخلية.

وده من أخطر العلامات لأن استمرار التشغيل ممكن يسبب كسر أجزاء داخلية.

6-      استهلاك وقود أعلى من الطبيعي

لو لاحظت أن استهلاك الجاز زاد بدون سبب واضح، فده غالبًا بسبب خلل في الريشة أو منظم الوقود أو أن الطلمبة بترش كمية أكبر من اللازم.

7-     تسريب ديزل حول الطلمبة

التسريب يعتبر علامة خطيرة؛ لأنه ممكن يدخل هوا للطلمبة ويعمل هنتنج أو يسبب ضعف ضغط وارتفاع حرارة داخلية.